‘ಛಾಯೆ’ ಕಿರುಚಿತ್ರವು ಕೇವಲ 11 ನಿಮಿಷ 36 ಸೆಕೆಂಡುಗಳ ಅವಧಿಯಲ್ಲಿ ಅತ್ಯಂತ ಆಳವಾದ ಬದುಕಿನ ತತ್ವವನ್ನು ಸರಳವಾಗಿ ತಲುಪಿಸುವ ಒಂದು ನೈಜ ದೃಶ್ಯಕಾವ್ಯ.
ಉದ್ಯಾನವನದಲ್ಲಿ ಹಕ್ಕಿಗಳ ಚಿತ್ರ ತೆಗೆಯಲು ಬಂದ ಯುವತಿ ಮತ್ತು ಅಲ್ಲಿ ಸಿಗುವ ಹಿರಿಯ ಅನುಭವಿ ಛಾಯಾಗ್ರಾಹಕನ ನಡುವಿನ ಅಪೂರ್ವ ಭೇಟಿಯೇ ಈ ಕಥೆಯ ಜೀವಾಳ.
“ಕಣ್ಣಿರುವುದು ಕೇವಲ ನೋಡಲಲ್ಲ, ಕಾಣಲು…” ಎಂಬ ಕವಿತೆಯ ಸಾಲುಗಳಂತೆ, ಕ್ಯಾಮೆರಾದ ಲೆನ್ಸ್ ಮೂಲಕ ಜಗತ್ತನ್ನು ಕೇವಲ ನೋಡಬಾರದು, ಬದಲಿಗೆ ಮನಸ್ಸಿನಿಂದ ಕಾಣಬೇಕು ಎಂಬುದನ್ನು ಈ ಚಿತ್ರವು ಅತ್ಯಂತ ಸುಂದರವಾಗಿ ನಿರೂಪಿಸುತ್ತದೆ.
ಒಬ್ಬ ಹಿರಿಯ ಅನುಭವಿಯು ಅನಾನುಭವಿ ಯುವತಿಯ ಹೆಗಲ ಮೇಲೆ ಕೈಯಿಟ್ಟು, ಛಾಯಾಗ್ರಹಣವೆಂದರೆ ಕೇವಲ ತಾಂತ್ರಿಕ ಕೌಶಲವಲ್ಲ, ಬದಲಿಗೆ ಅದು ಪ್ರೀತಿ ಮತ್ತು ಅನುಭಾವದ ಹಾದಿ ಎಂಬುದನ್ನು ತಿಳಿಸಿಕೊಡುವ ಪ್ರಸಂಗ ಮನಸ್ಸಿಗೆ ತಟಕ್ಕನೆ ತಾಗುತ್ತದೆ. ಚಿತ್ರದಲ್ಲಿ ಬಳಸಿರುವ ಕವಿತೆಯು ಕಥೆಯ ಓಟಕ್ಕೆ ಹೊಸ ಮೆರುಗು ನೀಡಿದ್ದು, ತೋರ್ಬೆರಳಿನಿಂದ ಕ್ಯಾಮೆರಾ ಹಿಡಿಯುವ ಯುವತಿಗೆ ಬದುಕನ್ನು ನೋಡುವ ಹೊಸ ದೃಷ್ಟಿಕೋನವನ್ನು ಕಟ್ಟಿಕೊಡುತ್ತದೆ.
ಕೊನೆಯಲ್ಲಿ, ‘ಛಾಯೆ’ ಎಂದರೆ ಕೇವಲ ಬೆಳಕಿನಿಂದ ಮೂಡುವ ನೆರಳಲ್ಲ, ಬದಲಿಗೆ ಒಬ್ಬರ ಅನುಭವವು ಇನ್ನೊಬ್ಬರ ಬದುಕಿಗೆ ನೀಡುವ ಸ್ಫೂರ್ತಿಯ ಛಾಯೆ ಎಂಬುದನ್ನು ಈ ಕಿರುಚಿತ್ರ ಸಾಬೀತುಪಡಿಸುತ್ತದೆ.
ಉತ್ಸಾಹಿ ನಿರ್ದೇಶಕರಾದ ಸಿದ್ದೇಶ್ Siddesh M E ಅವರ ಕಾರ್ಯ ವೈಖರಿ ಇಷ್ಟ ಆಯ್ತು.. Siddu BISFF
