ಅನಿಮೆ ಸಿನಿಮಾಗಳನ್ನು ನೋಡಿದ್ದು ಬಹಳ ಕಡಿಮೆ, ನೋಡಿದ್ರಲ್ಲಿ ಎಲ್ಲವೂ ಸೂಪರ್. ಅದೇ ಕೆಟಗರಿಗೆ ಈ ಸಿನಿಮಾವನ್ನೂ ಸೇರಿಸಬಹುದು. ಇತ್ತೀಚೆಗೆ ನೆಟ್ಫ್ಲಿಕ್ಸ್ನಲ್ಲಿ ಬಿಡುಗಡೆಯಾದ ಕೊರಿಯನ್ ಅನಿಮೇಟೆಡ್ ಚಲನಚಿತ್ರ, ಪ್ರೇಮಕಥೆ ಮತ್ತು ವೈಜ್ಞಾನಿಕ ಕಾದಂಬರಿ ಅಂಶಗಳ ಸುಂದರ ಮಿಶ್ರಣವಾಗಿದೆ. **”Lost in Starlight”** ಚಿತ್ರದ ಪ್ರಮುಖ ಆಕರ್ಷಣೆ ಅದರ ಅದ್ಭುತ ಅನಿಮೇಷನ್. ಮಂಗಳ ಗ್ರಹದ ವಿಶಾಲ ಗ್ರಾಫಿಕ್ಸ್, ಬಾಹ್ಯಾಕಾಶದ ಸೌಂದರ್ಯ ಮತ್ತು ಭವಿಷ್ಯದ ಸಿಯೋಲ್ ನಗರವನ್ನು ಅತ್ಯಂತ ಆಕರ್ಷಕವಾಗಿ ಚಿತ್ರಿಸಲಾಗಿದೆ. ಪ್ರತಿ ಫ್ರೇಮ್ ಕೂಡ ಕಣ್ಣಿಗೆ ಹಬ್ಬದಂತಿರುತ್ತದೆ.
ಚಿತ್ರದಲ್ಲಿ ದೃಶ್ಯಗಳಿಗೆ ಹೇಗೆ ಮಾನ್ಯತೆ ಕೊಡಲಾಗಿದೆಯೋ ಅದೇ ಥರ ಭಾವನಾತ್ಮಕ ಅಂಶಗಳಿಗೂ ಅಷ್ಟೇ ಮಹತ್ವವನ್ನು ಕೊಡಲಾಗಿದೆ. ನಾನ್-ಯಂಗ್ ಮತ್ತು ಜೇಯ್ ನಡುವಿನ ಪ್ರೇಮಕಥೆಯು ಹೃದಯಸ್ಪರ್ಶಿಯಾಗಿದೆ. ಪ್ರೀತಿ, ಆಸೆಗಳು, ದೂರದ ಸಂಬಂಧದ ಸವಾಲುಗಳು – ಈ ತರಹದ ಅಂಶಗಳನ್ನು ಪರಿಣಾಮಕಾರಿಯಾಗಿ ತೋರಿಸಲಾಗಿದೆ. ವಿಶೇಷವಾಗಿ ನಾನ್-ಯಂಗ್ ತನ್ನ ತಾಯಿಯ ನಷ್ಟವನ್ನು ಹೇಗೆ ಎದುರಿಸುತ್ತಾಳೆ ಮತ್ತು ಜೇಯ್ನೊಂದಿಗಿನ ಸಂಬಂಧವು ಅವಳ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದು ಉತ್ತಮವಾಗಿ ಮೂಡಿಬಂದಿದೆ. ಚಿತ್ರದ ಸಂಗೀತವು ಕಥೆಗೆ ಉತ್ತಮವಾಗಿ ಹೊಂದಿಕೊಳ್ಳುತ್ತದೆ ಮತ್ತು ಭಾವನೆಗಳನ್ನು ಹೆಚ್ಚಿಸುತ್ತದೆ. ಜೇಯ್ ಒಬ್ಬ ಸಂಗೀತಗಾರನಾಗಿರುವುದರಿಂದ, ಸಂಗೀತವು ಕಥಾವಸ್ತುವಿನಲ್ಲಿ ಒಂದು ಪ್ರಮುಖ ಪಾತ್ರ ವಹಿಸುತ್ತದೆ.
“Lost in Starlight” – ನೀವು ಅನಿಮೇಷನ್, ಪ್ರೇಮಕಥೆಗಳು ಮತ್ತು ಸ್ವಲ್ಪ ವೈಜ್ಞಾನಿಕ ಕಾದಂಬರಿ ಅಂಶಗಳನ್ನು ಇಷ್ಟಪಡುವವರಾಗಿದ್ದರೆ, ಈ ಚಿತ್ರವು ನಿಮಗೆ ಖಂಡಿತವಾಗಿಯೂ ಇಷ್ಟವಾಗುತ್ತದೆ. ಇದು “ನೆಟ್ಫ್ಲಿಕ್ಸ್ನ ಮುಂದಿನ ದೊಡ್ಡ ಅನಿಮೇಟೆಡ್ ಕ್ಲಾಸಿಕ್” ಎಂದು ಹೇಳಲಾಗುತ್ತಿದೆ. ಒಂದು ಚೆಂದದ ಅನುಭವಕ್ಕಾಗಿ ನೋಡಬಹುದು.
