“ಲೋಕಾಹ್: ಅಧ್ಯಾಯ ಒಂದು – ಚಂದ್ರ” – ಪ್ರೇಕ್ಷಕರ ನಿರೀಕ್ಷೆಗಳನ್ನು ಮೀರಿಸಿದ ಪಕ್ಕಾ ಮಾಸ್ ಸಿನಿಮಾ!
ಪ್ರೇಕ್ಷಕರ ನಿರೀಕ್ಷೆಗಳನ್ನು ಮೀರಿ, ಲೋಕಾಹ್ ಚಿತ್ರವು ದೇಶಾದ್ಯಂತ ಸದ್ದು ಮಾಡುತ್ತಿದೆ. ಇದರ ಯಶಸ್ಸಿಗೆ ಚಿತ್ರ ತಂಡದ ಶ್ರಮವೇ ಕಾರಣ.
2025ರ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಒಂದಾಗಿರುವ “ಲೋಕಾಹ್: ಅಧ್ಯಾಯ ಒಂದು” ಒಂದು ಅದ್ಭುತ ಚಿತ್ರವಾಗಿ ಹೊರಹೊಮ್ಮಿದೆ. ಮಲಯಾಳಂ ಚಿತ್ರರಂಗವು ಫ್ರಾಂಚೈಸ್ ಮತ್ತು ಸಿನಿಮಾಟಿಕ್ ಯೂನಿವರ್ಸ್ ಅನ್ನು ಭರ್ಜರಿಯಾಗಿ ಪರಿಚಯಿಸಿದೆ ಎಂಬುದಕ್ಕೆ ಇದೇ ಸಾಕ್ಷಿ. ಭಾರತೀಯ ಚಿತ್ರರಂಗಕ್ಕೆ ಇಂತಹ ಚಿತ್ರಗಳ ಅಗತ್ಯವಿದೆ. ಮುಂದಿನ ಭಾಗಗಳು ಸಹ ಇದೇ ರೀತಿ ಉತ್ತಮವಾಗಿ ಮೂಡಿಬಂದರೆ “ಲೋಕಾಹ್” ಒಂದು ಯಶಸ್ವಿ ಯೂನಿವರ್ಸ್ ಆಗಿ ಹೊರಹೊಮ್ಮುವುದು ಖಚಿತ.
ಚಿತ್ರದ ಕಥೆ, ತಂತ್ರಜ್ಞಾನ ಮತ್ತು ಗ್ರಾಫಿಕ್ಸ್ ಅತ್ಯುತ್ತಮವಾಗಿವೆ. ಈ ಎಲ್ಲ ಅಂಶಗಳಿಗಿಂತ ಮುಖ್ಯವಾಗಿ, ಕಥೆಯನ್ನು ಪ್ರೇಕ್ಷಕರಿಗೆ ಬೋರ್ ಹೊಡೆಸದೆ ಹೇಳಿರುವ ರೀತಿ ಮತ್ತು ಮುಂದಿನ ಭಾಗಗಳ ಬಗ್ಗೆ ಕುತೂಹಲ ಮೂಡಿಸಿರುವುದು ಚಿತ್ರದ ಯಶಸ್ಸಿಗೆ ಕಾರಣವಾಗಿದೆ. ಮುಂದಿನ ಭಾಗಗಳಲ್ಲಿ ದೊಡ್ಡ ದಿಗ್ಗಜರು ಕಾಣಿಸಿಕೊಳ್ಳಲಿದ್ದಾರೆ ಎಂಬುದರ ಝಲಕ್ ಅನ್ನು ಅಲ್ಲಲ್ಲಿ ತೋರಿಸಲಾಗಿದೆ. ನಮ್ಮ ಸಂಸ್ಕೃತಿ ಮತ್ತು ಜನಪದಕ್ಕೆ ಸಂಬಂಧಿಸಿದ ಕಥೆಗಳನ್ನು ಪಾತ್ರಗಳ ಮೂಲಕ ನಿರೂಪಿಸಿರುವುದು ಚಿತ್ರದ ಪ್ರಮುಖ ಪ್ಲಸ್ ಪಾಯಿಂಟ್. ಈಗಿನ ಸೂಪರ್ಹೀರೋಗಳ ಬಗ್ಗೆ ಜನರಿಗೆ ಬೇಸರವಾಗುತ್ತಿರುವಾಗ, ಈ ಪ್ರಯತ್ನ ಪ್ರೇಕ್ಷಕರನ್ನು ಇನ್ನಷ್ಟು ಆಕರ್ಷಿಸುತ್ತದೆ.
ಒಟ್ಟಾರೆಯಾಗಿ, “ಲೋಕಾಹ್” ಒಂದು ಮನರಂಜನಾತ್ಮಕ ಸಿನಿಮಾ. ಖಂಡಿತಾ ಇದನ್ನು ನೋಡಬಹುದು. ಮುಂದಿನ ಭಾಗಗಳಿಗಾಗಿ ಕಾತುರದಿಂದ ಕಾಯುತ್ತಿದ್ದೇನೆ.
